تعريف البراندينغ وكيفية صناعة علامة تجارية

🔴 آجي تعرف، أشنو هي البراند وكفاش تخدم عليها ‼️

والاغلبية كيعتقد ان البراندين هوا
logo
site web
ticket

درتي لوغو ودرتي تيكيت باش تبيع منتج كيشريوه بزاااف ديال الناس، بالطريقة العادية فقط بدلتي لصقة ديال المنتج

هنا خاصك تسول راسك واش باغي تدير براند على حقها وطريقها واش عندك الإمكانيات باش تخدم عليها، واش عارف كفاش خاصك تخدم عليها، واش درستي ووضعتي جميع الاستراتيجيات لي تساعدك باش تعرف بالبراند ديالك او لالا

أو فقط بغيتي تبيع منتج درتي ليه لوغو ديالك سمية صيبتيها قاديتي داكشي بطريقة زوينة اتقاد ليه créative زوينة، تقاد فيديوات تشوف مع شي مؤثريين اديرو ليك فيديوهات و témoignages على المنتج ديالك وتبدا تسكيلي، كتعتامد على الأدس média payant بلا أدس راه مكيعرفك حد.

الأغلبية كيدير هاذ البلان الثاني وربما مكيخدموش حتى على حقو وطريقو … وكيتسنى نتيجة كبيرة بحال صحاب البراندات الكبار كيقول أنا درت مجهود وصيبت وقاديت وداكشي زوين وضربت لكن بدون نتيجة ….. كتقول المشكل من السوق، المغاربة مكيعرفوش البراندينغ وكذا وكتبدا تلقا في الأعذار ….

الحقيقة آه نتا بصح ضربتي تمارة ودرتي خطوة تحسب لك، لكن نتا مخدمتيش على البراندينغ الحقيقي، ماشي نتي مبغيتيش لا غيرمبحثيش مسولتيش أهل الإختصاص، أو ربما الصورة الغالطة لي سوقو ليها بعض الدخلاء على اليوتوب بخصوص البراندينغ تلفاتك على الطريق ….

👈دابا السؤال أشنو هو البراندينغ وكفاش أنخدم عليه ؟

مزيان الإجابة على هاذ السؤال في الأسفل غير كملاحظة هاذشي ماشي مكونات البراندينغ الرئيسية فقط نقاط رئيسية أتسهل عليك تعرف بزااف وتعرف اشنو كيتطلب منك هاذشي

قبل مندخلو في البراندينغ خاصنا نعرفو بعدا فين جات في إستراتيجية المشروع ديالك

أول حاجة فاش كتبغي تبدا بيزنس ديالك في ديجيتال أو على أرض الواقع أول خطوات كتبدا بيهم

المرحلة الأولى

دراسة السوق، خطة العمل، بيزنس مودل … هاذشي كامل باش كتفهم المشروع ديالك خاصك تدير دراسة معمقة في هاذ الجزء خاصك تكون درستي المنافسين، الصعوبات التحديات التهديدات الفرص، نقاط القوة ونقاط الضعف ديالك ، مرورا بدراسة الحالة الاقتصادية والاجتماعية والثقافية والسياسية …… في السوق المستهدف بالإضافة لتحديد الموردين الموزعين ديالك وكل ما يتعلق بالمشروع

المرحلة الثانية

تحديد الأهداف الخاصة بيك التسويقية، التطويرية كل مايتعلق بمكونات المشروع ديالك
دابا كنزيدو نتعمقو أكثر ونشوفو السوق الخدمة او المنتجات لي غادي نقدمو شكون الفئات المستهدفة كفاش نقدرو نستهدفوهم وأشنو positionnement لي غادي تكون فيه اشنو المكانة لي غادي تكون فيها بين المنافسين ديالك باش غادي تميز واش الجودة، الثمن، الابداع ……. حدد ميزتك التنافسية !!

من بعد كنجيو 4ps هنا كتحدد المنتجات ديالك لي غادي تحط في السوق كفاش اتحطهم النوع ديالهم العدد ديالهم، المكونات ديالهم، اومبالاج، تيكيت ……… من بعد كتوضع ما يسمى باستراتيجيات التسعير هاذشي كيتدار من بعد دراسة باش كتحدد السعر، اشنو العروض لي غادي تدير وتقدم، اشتراكات ….. من بعد التوزيع فين غادي تكون اشنو القنوات لي غادي تواصل مع الناس بيهم. رابع نقطة لي هي التواصل communication هنا فين كتخدم التسويق. هنا فين كتخدم على #البراندينغ

👈نجاحك في communication ينبني على نجاحك في دراسة وتحديد والعمل على جميع النقاط السابقة بطريقة جد إحترافية وتحديد ذلك بدقة عالية …. لأنه فاش اتعرف لمن اتبيع وكفاش اتبيع وكفاش كيفكر واشنو العقلية ديالو وعلاش مهتم بالمنتج ديالك :

غادي تعرف كفاش تقنعو من خلال المحتوى لي غادي تخدم عليه، غادي تعرف اشنو اومبالاج لي غادي اتماشا مع سيكولوجيته وطريقة تفكيرو، غادي تكون عارف القدرة الشرائية ديالو وتقدر تحط الثمن لي غادي اشري بيه، عارف فين كيتواجد اش من منصة باش تقدر تواصل معاه فين كاين

إلى عرفتي هاذشي أتكون هنا قادر نتا تحدد أسباب الفشل أو النجاح ديال مشروعك سواءا كتقدم خدمات أو منتجات لأنك فااهم بزااف ديال النقاط لي كتسهل عليك أنك تحدد المشكل فين كاين فيما يخص استراتيجيات التسويقية لي كتوضع راه أقل مدة زمنية كتحدد هي 1سنة وكمتوسط 5 سنوات.

مرحبا بكم فآول تجمع خاص بالعاملين فمجال التجارة الالكترونية فالمغرب

✔️للاطلاع على باقي الدروس الخاص بنا, زرونا على الرابط التالي:
👇
https://bit.ly/39S4ial
✔️و إلى استافدتي متنساش بارطجي القناة مع صحابك وعائلتك وشكرا

و متنساوش تنظمو لقناة تلغرام الخاصة بنا ل:
👇
https://t.me/joinchat/AAAAAElTXjT6eFzmQsyGfw
و الموقع الخاص بنا :
👇
https://your-partner.net/
صفحتنا على الفيسبوك :
👇
https://www.facebook.com/groups/httpsyourpartner.net/?ref=share_group_link

اترك تعليقاً

لن يتم نشر عنوان بريدك الإلكتروني.